امریکا ایران کشیدگی، عالمی منڈی میں خام تیل کی قیمتوں کو بھی پر لگ گئے

عالمی مالی منڈیوں میں امریکا اور ایران کے درمیان بڑھتی ہوئی کشیدگی نے خام تیل کی قیمتوں میں شدید اضافہ کر دیا ہے۔ برطانوی خام تیل کی قیمت میں 62 سینٹ کا اضافہ ریکارڈ کیا گیا، جس کے بعد اس کی قیمت 71.39 ڈالر فی بیرل تک پہنچ گئی۔

اسی دوران امریکی خام تیل کی قیمت بھی بڑھ کر 66.21 ڈالر فی بیرل ہو گئی، جو عالمی منڈی میں چھ ماہ کی بلند ترین سطح ہے۔

اس کے علاوہ قیمتی دھاتوں کی منڈی میں بھی تیزی دیکھی گئی۔ سونے کی قیمت میں 107 ڈالر کا اضافہ ہوا، جس کے بعد عالمی سطح پر فی اونس سونا 5,200 ڈالر کی سطح عبور کر گیا۔

تجزیہ کاروں کے مطابق، جغرافیائی سیاسی کشیدگی اور عالمی سرمایہ کاری میں غیر یقینی صورتحال کی وجہ سے تیل اور سونے کی مانگ میں اضافہ ہوا ہے، جس نے ان کی قیمتوں کو بلند ترین سطح تک پہنچا دیا۔