قومی خبریں
کم عمر ڈرائیور ڈی آئی جی کے سامنے پولیس کو چکمہ دے کر فرار
کراچی۔۔۔ غیر منظور شدہ نمبر پلیٹس کی حامل گاڑیوں اور موٹر سائیکلوں کے خلاف جاری مہم کے دوران کلفٹن تین تلوار پر ناکے پر ڈی آئی جی ٹریفک کے سامنے کم عمر لڑکا قانون کی دھجیاں اڑاتے ہوئے فرار ہوگیا۔
شہر میں غیرمنظور شدہ نمبر پلیٹس کی حامل گاڑیوں اور موٹر سائیکلوں کے خلاف مہم جاری ہے۔
کلفٹن تین تلوار پرپولیس کے مشترکہ ناکے پر ڈی آئی جی ٹریفک پیر محمد شاہ کے سامنے 16سالہ کم عمر لڑکے نے قانون کی دھجیاں اڑادیں۔
ٹریفک پولیس کی جانب سے کم عمر لڑکے کو پولیس لائٹ لگانے اور رش ڈرائیونگ کرنے پر روکا گیا تھا، کم عمر لڑکا پہلے گاڑی سے اترا، غصہ کیا اور واپس اپنی گاڑی میں بیٹھ کر تیز ڈرائیونگ کرتے اور سگنل توڑتے ہوئے فرار ہوگیا
ٹریفک پولیس اور ضلعی پولیس اہلکار کم عمر لڑکے کو روکنے میں مکمل ناکام ہوگئی۔
ٹریفک پولیس حکام کے مطابق گاڑی کا نمبر نوٹ کرلیا گیا ہے گاڑی نجی بینک کے نام پر رجسٹرڈ ہے، گاڑی بلیک لسٹ کردی گئی ہے، ساتھ ہی گاڑی کی تلاش شروع کردی گئی ہے۔ گاڑی سے متعلق معلومات حاصل ہونے پر اس کے خلاف قانونی کارروائی عمل میں لائی جائے گی۔
