اسپیس ایکس پاکستانی نوجوان کی اے آئی کمپنی 60 ارب ڈالرز میں خریدنےکیلئے تیار
اس کمپنی کی ایک خاص بات یہ ہے کہ ایک پاکستانی نژاد نوجوان صالح آصف کمپنی کے شریک بانیوں میں شامل ہیں۔
اوپن اے آئی اور اینتھروپک کے ساتھ ساتھ کرسر ان چند امریکی کمپنیوں میں سے ایک ہے جسے آرٹی فیشل انٹیلی جنس (اے آئی) کو کوڈنگ کی تیاری کے لیے جانا جاتا ہے۔
اسپیس ایکس نے ایک ایکس (ٹوئٹر) پوسٹ میں اعلان کیا کہ کرسر نے اسپیس ایکس کو کمپنی کو رواں سال کسی وقت 60 ارب ڈالرز میں خریدنے کا اختیار دیا ہے
اگر اسپیس ایکس کی جانب سے کرسر کو خریدا نہیں جاتا، تو وہ اکٹھے کام کرنے کے لیے 10 ارب ڈالرز ادا کرے گی۔
پوسٹ میں مزید بتایا گیا کہ کرسر کی سافٹ ویئر انجنیئرنگ کی مہارت کو اسپیس ایکس کے سپر کمپیوٹرز کے ساتھ باہم ملا کر ہم دنیا کے سب سے کارآمد ماڈلز تیار کرسکیں گے۔
SpaceXAI and @cursor_ai are now working closely together to create the world’s best coding and knowledge work AI.
The combination of Cursor’s leading product and distribution to expert software engineers with SpaceX’s million H100 equivalent Colossus training supercomputer will…
— SpaceX (@SpaceX) April 21, 2026
امریکی جریدے فوربز کے مطابق کراچی سے تعلق رکھنے والے صالح آصف نے کراچی کے ایک کالج میں تعلیم حاصل کی اور پھر میساچوسٹس انسٹیٹیوٹ آف ٹیکنالوجی (ایم آئی ٹی) پڑھنے کے لیے گئے۔
اسی طرح 2016 سے 2018 کے دوران انٹرنیشنل میتھ اولمپیاڈ میں پاکستان کی نمائندگی بھی کی۔
ایم آئی ٹی میں انہوں نے 3 دوستوں کے ساتھ ملکر کی بنیاد رکھی جس کے تحت اے آئی کوڈ ایڈیٹنگ ٹول کرسر کو تیار کیا گیا۔
سابق نگران وفاقی وزیر برائے انفارمیشن ٹیکنالوجی ڈاکٹر عمر سیف نے ایکس پر جاری بیان میں صالح آصف کی تعریف کرتے ہوئےکہا کہ پاکستانی نوجوانوں کو ایسے ہی رول ماڈلز کی ضرورت ہے۔
انہوں نے لکھا کہ یہ کوئی پراپرٹی ڈیلرز، ٹیکس چور، بینکوں کے نادہندہ یا پیدائشی امیر نہیں، بلکہ کراچی کے ایک متوسط گھرانےکا سیلف میڈ نوجوان ہے
ایم آئی ٹی سے تعلیم حاصل کی اور ایک انتہائی با اثر کمپنی کی بنیاد رکھی جس نے کوڈنگ لکھنےکا انداز بدل دیا اور اب محض 26 سال کی عمر میں یہ ایک ارب ڈالر سے زائد کا مالک ہے۔
چیئرمین پاکستان ورچوئل ایسٹس ریگولیٹری اتھارٹی بلال بن ثاقب نے ایکس پر لکھا کہ مصنوعی ذہانت کے ارب پتیوں کا دور آ چکا ہے،
ایک 26 سالہ پاکستانی صالح نے حال ہی میں ایک ایسی کمپنی کی مشترکہ طور پر بنیاد رکھی ہے جسے اسپیس ایکس 60 ارب ڈالرز میں خریدنے پر غور کر رہی ہے
یہ پاکستان کے لیے انتہائی فخر کا لمحہ ہے اور ہماری نوجوان نسل کے لیے اس بات کا ناقابل تردید ثبوت بھی کہ وہ جو چاہیں حاصل کرسکتے ہیں۔
