برانڈنیم ہی پنکی کاپھندابنےگا،کراچی پولیس چیف

منشیات فروشی کے ہائی پروفائل کیس میں ایڈیشنل آئی جی آزاد خان نے پریس کانفرنس کرتے ہوئے انکشاف کیا ہے کہ ملزمہ انمول عرف پنکی کے نیٹ ورک میں افریقی باشندے اور 20 خواتین شامل ہیں

جبکہ 12 مئی کو وفاقی حساس ادارے نے انٹیلی جنس بیاد پر آپریشن کر کے ملزمہ کو ڈیڑھ کلو کوکین اور کیمیکل سمیت گرفتار کیا تھا۔

تحقیقات میں یہ بات سامنے آئی ہے کہ پنکی کے خلاف سندھ میں 20 مقدمات درج ہیں جن میں سے وہ 6 میں بری ہو چکی ہے

اب ملزمہ کے موبائل فون کے فرانزک سے کراچی کے 132 مشکوک نمبرز اور 240 اہم لوکیشنز ملی ہیں۔

یہ سب اس بات کا ثبوت ہیں کہ یہ نیٹ ورک صرف ایک شہر تک محدود نہیں بلکہ وسیع پیمانے پر پھیلا ہوا ہے۔

پولیس حکام کا کہنا ہے کہ سابقہ تحقیقات میں کوتاہی برتنے والے افسران کو معطل کر کے نئی کمیٹی تشکیل دے دی گئی ہے اور ملزمہ کا اپنا برانڈ نیم ہی اس کے لیے پھندا ثابت ہوگا

نیٹ ورک کے تمام ملوث افراد کی گرفتاری کے لیے گھیرا تنگ کر دیا گیا ہے۔