کراچی ایک بارپھربڑی تباہی سےبچ گیا

انٹیلی جنس اور قانون نافذ کرنے والے اداروں کی کامیاب کارروائی نے کراچی میں دہشتگردی کا بڑا منصوبہ ناکام بنادیا۔۔

بارود سے لدا مزدا ٹرک اور دو ہزار کلو گرام سے زائد بارودی مواد برآمد ۔۔ تین دہشتگردوں کو گرفتار کرلیاگیا۔

ایڈیشنل آئی جی سی ٹی ڈی اور ڈی آئی جی نے پریس کانفرنس میں  بتایا کہ کراچی سے چالیس کلو میٹر فاصلے پر دہشتگرد بارودی مواد تیار کررہے تھے۔

دہشتگرد کراچی میں سویلین اہداف کو نشانہ بنانا چاہتے تھے ۔۔ ابتدائی تحقیقات میں دھماکا خیز مواد افغانستان سے لایا گیا تھا۔

گرفتار دہشتگرد کی نشاندہی پر کراچی کے چھ مقامات پر چھاپے مارے گئے ۔۔ دہشتگرد نیٹ ورک کے تانے بانے مجید بریگیڈ اور بشیر زیب سے ملتے ہیں۔