وزیراعظم کی ترک کمپنیوں کو پاکستان میں مزید سرمایہ کاری کی دعوت

وزیراعظم شہباز شریف  نے ترک کمپنیوں کو  پاکستان  میں  مزید سرمایہ کاری کی دعوت دے دی۔

 وزیراعظم کی استنبول میں ترک سرمایہ کاروں  سے ملاقاتیں ہوئیں جس میں پاک ترک اقتصادی  شراکت داری نئی بلندیوں تک لے جانے کے عزم کا اظہار کیا گیا۔

 وزیراعظم نے ترک کمپنیوں کو پاکستان میں توانائی،کان کنی، آئی ٹی، انفرااسٹرکچر  اور نجکاری میں سرمایہ کاری کی پیشکش کی۔

ترک سرمایہ کاروں نے پاکستان میں آپریشنز  بڑھانے میں دلچسپی ظاہر کی  اور  معاشی اصلاحات  پر اعتماد کا اظہار کیا۔

وزیراعظم شہبازشریف نے پاکستان میں سرمایہ کاری دوست ماحول برقرار  رکھنےکے عزم کا اعادہ کیا۔