پمزکےنومولودبچوں کےلواحقین کیلئے50لاکھ روپےفی کس معاوضےکااعلان

حکومت نے پمز اسپتال میں آتشزدگی کے واقعے میں جاں بحق ہونے والے نومولود بچوں کے لواحقین کے لیے فی کس پچاس لاکھ روپے مالی معاوضے کا اعلان کردیا۔

 وفاقی حکومت کا کہنا ہے کہ متاثرہ خاندانوں کے غم اور دکھ میں برابر کی شریک ہے ۔ مالی معاوضہ قیمتی انسانی جانوں کا نعم البدل نہیں۔

جاں بحق ہونے والے بچے واپس نہیں لائے جا سکتے، تاہم حکومت کی جانب سے یہ معاونت غمزدہ خاندانوں کی مشکلات کم کرنے اور ان کے دکھ کاکچھ مداوا کرنے کی ایک کوشش ہے۔

حکومت متاثرہ خاندانوں کو ہر ممکن تعاون اور معاونت فراہم کرے گی۔