شوبز
معروف یوٹیوبر ڈکی بھائی اور ان کی اہلیہ پر جوئے کی پروموشن کیس میں فرد جرم عائد
لاہور کی مقامی عدالت نے یوٹیوبر سعد الرحمان عرف ڈکی اور ان کی اہلیہ عروب جتوئی سمیت دیگر ملزمان پر فرد جرم عائد کر دی ہے جن پر آن لائن جوئے کی ویب سائٹس کی پروموشن کا الزام ہے۔
ضلع کچہری لاہور میں جوڈیشل مجسٹریٹ نعیم وٹو کی عدالت میں کیس کی سماعت ہوئی جس میں تمام ملزمان عدالت میں پیش ہوئے۔ عدالت نے ملزمان سے صحتِ جرم کے بارے میں پوچھا تو انہوں نے انکار کر دیا۔
عدالت نے کیس کے گواہوں کو 23 فروری کو دوبارہ طلب کر لیا ہے تاکہ تفصیلی بیان قلمبند کیا جا سکے۔
این سی سی آئی اے کی جانب سے درج مقدمے میں سعد الرحمان عرف ڈکی اور دیگر افراد پر آن لائن جوئے کی تشہیر اور پروموشن کرنے کے سنگین الزامات عائد کیے گئے ہیں۔
